Video
Read full review
2023-03-05
192 views
🌟餐廳：Maison Gaia📍地址：尖沙咀梳士巴利道18號Victoria Dockside K11 Musea5樓503號舖💰價位：～$400 - $800⏰營業時間：星期一至日 12:00 - 00:00📱電話：2890 1820係尖沙咀做完野，約埋best fd 去K11 Musea行街順便搵個地方dinner。佢一早就book咗呢間Maison Gaia，餐廳環境昏暗，裝潢富心思，好有情調， 私隱度又夠高。好岩情侶撐枱腳或者朋友食飯傾計～🌟All you can eat buffet bar🌟餐廳主打西式扒類及海鮮主食，如惠顧主食，仲可以免費任食半自助沙律、頭盤及甜品區，性價比好高，即刻介紹比大家睇吓有咩食～🔹沙律吧沙律菜超多選擇，有齊菠菜、火箭菜、羽衣甘蘭、椰菜等等，款式夠哂多，而且沙律醬汁有成5-6 款，超正～配料方面一樣多不勝數，包括粟米、蕃茄仔、紅腰豆、麵包粒、紅菜頭及青瓜等等，總有一款啱心水🔹芝士提供4-5 款選擇，包括我既最愛Brie，幾款芝士味道奶味濃郁，做前菜一流🔹Cold cut有幾款唔同age既Parma Ham同Salami，用黎搭配沙律同蜜瓜一齊食，好
📍地址：尖沙咀梳士巴利道18號Victoria Dockside K11 Musea5樓503號舖
💰價位：～$400 - $800
⏰營業時間：星期一至日 12:00 - 00:00
📱電話：2890 1820
係尖沙咀做完野，約埋best fd 去K11 Musea行街順便搵個地方dinner。佢一早就book咗呢間Maison Gaia，餐廳環境昏暗，裝潢富心思，好有情調， 私隱度又夠高。好岩情侶撐枱腳或者朋友食飯傾計～
🌟All you can eat buffet bar🌟
餐廳主打西式扒類及海鮮主食，如惠顧主食，仲可以免費任食半自助沙律、頭盤及甜品區，性價比好高，即刻介紹比大家睇吓有咩食～
🔹沙律吧
沙律菜超多選擇，有齊菠菜、火箭菜、羽衣甘蘭、椰菜等等，款式夠哂多，而且沙律醬汁有成5-6 款，超正～配料方面一樣多不勝數，包括粟米、蕃茄仔、紅腰豆、麵包粒、紅菜頭及青瓜等等，總有一款啱心水
🔹芝士
提供4-5 款選擇，包括我既最愛Brie，幾款芝士味道奶味濃郁，做前菜一流
🔹Cold cut
有幾款唔同age既Parma Ham同Salami，用黎搭配沙律同蜜瓜一齊食，好夾～
🔹壽司
特別提供幾款日式卷物壽司同埋蟹柳、青瓜、玉子小卷，賣相同質素都好高！
🔹湯:
今日呢款係南瓜忌廉湯，南瓜味好濃郁好鮮甜，加埋忌廉，飲落好creamy
🔹生果及甜品
哈蜜瓜、蜜瓜、西瓜及菠蘿都有供應，幾款都鮮甜又多汁，食完主菜記得食返幾件幫助消化～
甜品區令人驚喜，款式夠哂多，有齊蛋糕、cheesecake、Macaron及Tiramisu 等等，每款細細件，可以試多幾款唔同～我地就最鍾意Macaron，口味多之餘唔會太甜～
———————————————————
Main Course
其實食完個半自助bar已經好飽haha~所以呢度既性價比真係好高！
🔹香煎挪威三文魚配時令蔬菜
呢份香煎挪威三文魚賣相精緻，三文魚煎至外皮焦脆，肉身嫩滑多汁，啖啖魚肉，好滿足～配菜仲有香烤蕃茄仔及菠菜，醬汁就用上忌廉白汁，搭配魚肉一齊食，更加滋味～
🔹香煎美國肉眼扒配烤西班牙乳豬
呢個主菜大推！上菜前，店員仲會拎出刀盤比我地揀扒刀，夠哂窩心又有誠意～
肉眼扒好大塊而且厚度適中，煎至7成熟，肉身粉嫩多汁，高質！西班牙乳豬超好食！！外皮薄得黎又好脆，食落肉質鬆軟，夾雜乳豬脂肪，入口即溶，相當出色！而且店員仲推介松露鹽比我地配搭牛扒，有助提升牛肉既甜度，抵讚～
———————————————————
Coffee
🔹Espresso
🔹Earl Grey Tea
食飽之後，我地慢慢歎埋Espresso 同 Earl Grey Tea，舒舒服服咁坐下同傾下計，好寫意～
———————————————————
😋味道：4/5
🏢環境：4/5
💁🏻♀️服務：4.5/5
💵價錢：4/5
🤟🏻性價比：4/5
———————————————————
👅整體小總結
呢間餐廳既環境、裝修、服務及食物質素都好高質～餐廳兩邊牆身用上投影，播放世界各地地標既夜景襯托，而且座位以Sofa 為主，配合昏喑燈光，氛圍一流，夠哂舒適！
食物方面，主菜及半自助區食物種類夠哂多元化，性價比好高～另外店員亦好有禮貌及專業，細心介紹餐牌，好親切，抵讚！
Post
