Hugo Le Resto Grill (Closed)

今次係第一次黎食生日飯，預約左先黎既，黎到好快安排到座位。見到環境燈光教暗，有情調，有唔少食客，但唔會覺得嘈，座位舒服。同朋友各揀一款signature dinner，包自助沙律吧、龍蝦湯、甜品同餐飲。落完單就出左黎沙律吧到揀野食喇，五顏六色既蔬菜好吸引，仲有2款生果。西瓜好甜，沙律菜都好新鮮，正喎！要讚埋個龍蝦湯，好濃，食到粒粒龍蝦肉，調味岩岩好，點埋餐包食最正。飲完湯食完包就上主菜喇。點左美國頂級紐約客牛扒$298，要8成，個賣相好靚呀，插左支旗仔好可愛，跟黑松露薯條嫁！黑扒煎得好香，就算係8成仍鎖住肉汁，配菜加左蒜蓉去炒好味。薯條就算影完相食都仲係好熱，好正，個松露醬好香，出面好多都係跟茄汁就算，哩度有驚喜。另一款主菜點左個碟炒飯，係鵝肝鮮蘆筍炒飯 268。哩碟炒飯做法幾中式，用左日本珍珠米炒，有咬口，用左牛油去炒好香，哩個飯炒得好味，食到鵝肝粒粒好香呀！食晒主菜後仲有甜品同餐飲，揀左咖啡，幾香但略苦，要落多少少糖。兩小件蛋糕都幾好味，特別中意朱古力口味既，好濃味。