Video
Read full review
2016-03-01
468 views
好少黎北角，係今日咁啱幫fd買嘢就openrice左呢間，虛榮感驅使我食左餐百幾蚊既lunch，不過環境真係好靚，仲好飽好好味。我揀左menu上既A餐七成熟，配莎樂美腸沙律。($128加一)沙律一到已經擺得好靚，仲有麵包配牛油。沙律醋較得幾好，酸酸地好開胃。沙律菜好企理，莎樂美腸係高質既，有煙熏味，個肉係鬆化，唔會好難先咬得開，一食已經有好香既肉味，啲油好香，零腥味。仲有粒細細既蕃茄仔，超級甜，可惜得半粒~佢送既包唔係流，烘得好脆，平時我係走包既人，結果兩塊包食哂，一塊無塗牛油，淨係塊包已經香到爆，好難得有餐廳連塊包都咁好食！好！到主角！牛扒一上已經好香，配菜全部都係我中意既，而且有經過處理，有煎香過，薯仔連左小小薯皮，食落口感過一般煎薯塊，紅蘿蔔應稔得稔，翠玉瓜應脆得脆。廢話唔講！到主角，牛扒！好味既咩牛扒配咩汁都唔洗，佢問我洗唔洗芥辣，我say左no，啲汁我用哂黎點薯仔食。因為牛扒好Juice，七成熟就真係七成熟，入面嫩粉紅色，外面煎到脆口，肉質真係好稔。我食嘢不嬲勁慢，塊扒都凍，肉都唔韌，真係好掂。不過把刀可以利返小小就好喇。店員哥哥仲向我推介今日甜品，香蕉麵包(+$15)我毫不
我揀左menu上既A餐七成熟，配莎樂美腸沙律。($128加一)
沙律一到已經擺得好靚，仲有麵包配牛油。沙律醋較得幾好，酸酸地好開胃。沙律菜好企理，莎樂美腸係高質既，有煙熏味，個肉係鬆化，唔會好難先咬得開，一食已經有好香既肉味，啲油好香，零腥味。仲有粒細細既蕃茄仔，超級甜，可惜得半粒~
佢送既包唔係流，烘得好脆，平時我係走包既人，結果兩塊包食哂，一塊無塗牛油，淨係塊包已經香到爆，好難得有餐廳連塊包都咁好食！
好！到主角！牛扒一上已經好香，配菜全部都係我中意既，而且有經過處理，有煎香過，薯仔連左小小薯皮，食落口感過一般煎薯塊，紅蘿蔔應稔得稔，翠玉瓜應脆得脆。
廢話唔講！到主角，牛扒！好味既咩牛扒配咩汁都唔洗，佢問我洗唔洗芥辣，我say左no，啲汁我用哂黎點薯仔食。因為牛扒好Juice，七成熟就真係七成熟，入面嫩粉紅色，外面煎到脆口，肉質真係好稔。我食嘢不嬲勁慢，塊扒都凍，肉都唔韌，真係好掂。不過把刀可以利返小小就好喇。店員哥哥仲向我推介今日甜品，香蕉麵包(+$15)我毫不猶豫就話:要，佢叫我可以諗下先，怕我食唔哂，我心諗，頭先兩塊麵包我仲回味緊，你咩麵包都可以拎哂出黎。
Wa靚到我唔捨得食！一食啖麵包，係熱既，外邊係脆，好濃香蕉味，個麵包唔似麵包，鬆軟到似蛋糕，再配Cream食落去，麵包脆卜卜既外邊加埋Cream，粉紅色既珠珠原來係香蕉糖粒，真係好正！餐飲order熱檸茶，檸檬無澀味，夠茶味，飲落沖淡返之前既油膩飽肚感覺，完~
Post
