Green Waffle (Closed)

今晚與友人黎銅鑼灣覓食，揀左呢間人氣高企既窩夫小店。好在一早訂左位，八點半已經差唔多坐滿。餐廳係半開放式，座位舒適，鄰近戲院，下次睇完戲可以再黎食一餐。一入座，待應就好快遞左餐牌黎。有好多選擇，多款意粉，薯粒鑊仔，當然仲有主角窩夫啦！我地今次叫左兩個主菜，一個甜品。先黎既係呢個足料卡邦尼長通粉，長通粉煮得啱啱好，軟硬適中。而個忌廉汁亦唔會太膩，配上脆脆地既煙肉粒同雜菌，口感非常豐富。再黎係薯粒鑊仔，熱辣辣既鑊仔令薯粒保持香脆，再配上鮮嫩既牛肉粒，簡直係perfect match!薯粒上仲有兩住圓轆轆既蛋，鑊仔一上枱馬上將蛋輕輕切開，鑊仔既餘溫可以令蛋汁稍為凝固。配上薯粒同金黃既芝士一齊食，又係另一凡風味！最後，到今晚既主角窩夫！甜品未上，待應就好貼心為我地準備新既小碟。果然不負眾望，唔只份量足，仲有質素。做到外脆內軟之餘，仲有微微蛋香。配上清新既綠茶雪糕同水果，為今次晚餐畫上完美句號。