Video
Read full review
2008-11-05
前晚約左朋友去灣仔晚飯，見呢間餐廳幾多笑笑樣，所以特登黎試下。即日下午至book位都book到喎，準時7點半到達。到場時大約有4成入座率啦。坐低之後睇下餐牌，噫，比想像中抵食，大部份 set 都係 HKD90 樓下，幾經濟。我揀左肉眼扒，而朋友揀左羊扒。Set 係包餐湯同餐飲的，但我見餐湯係番茄忌廉湯，我唔係好喜歡番茄忌廉呢個配搭的，所以加 25蚊改做有個推介公仔o係旁邊的鮮蠔忌廉湯。以個餐好似係七十幾蚊黎計，其實呢個湯要加25蚊都有d貴，但想試下係唔係真係咁good囉。先上餐包，無咩特別，唔係熱的。跟住上個湯，外表ok，而我叫果個就一上檯已傳來好大陣蠔味。湯入面有一隻都ok大的蠔，而個湯既味就有d似媽咪平時煲既蠔豉湯，哈哈~ 唔差，但係唔值得加25蚊去試囉。主菜上檯，賣相都幾茶餐廳 feel，而牛扒薄薄長長的一片，賣相絕不討好。叫了 medium rare 的我，以為咁既賣相，一定煎到熟哂，但切開又真係 medium rare 喎，哈。伴碟有薯條同翠玉瓜囉，朋友話翠玉瓜掂喎。食飽飽，見之前有d食家推介呢度既心太軟，就叫左個黎試下啦，加左個 apple crumble 同朋友 shar
即日下午至book位都book到喎，準時7點半到達。到場時大約有4成入座率啦。
坐低之後睇下餐牌，噫，比想像中抵食，大部份 set 都係 HKD90 樓下，幾經濟。
我揀左肉眼扒，而朋友揀左羊扒。Set 係包餐湯同餐飲的，但我見餐湯係番茄忌廉湯，我唔係好喜歡番茄忌廉呢個配搭的，所以加 25蚊改做有個推介公仔o係旁邊的鮮蠔忌廉湯。以個餐好似係七十幾蚊黎計，其實呢個湯要加25蚊都有d貴，但想試下係唔係真係咁good囉。
先上餐包，無咩特別，唔係熱的。跟住上個湯，外表ok，而我叫果個就一上檯已傳來好大陣蠔味。湯入面有一隻都ok大的蠔，而個湯既味就有d似媽咪平時煲既蠔豉湯，哈哈~ 唔差，但係唔值得加25蚊去試囉。
主菜上檯，賣相都幾茶餐廳 feel，而牛扒薄薄長長的一片，賣相絕不討好。叫了 medium rare 的我，以為咁既賣相，一定煎到熟哂，但切開又真係 medium rare 喎，哈。
伴碟有薯條同翠玉瓜囉，朋友話翠玉瓜掂喎。
食飽飽，見之前有d食家推介呢度既心太軟，就叫左個黎試下啦，加左個 apple crumble 同朋友 share。
估唔到呀，最出色係甜品，心太軟夠熱，外脆內軟, 得呀！
Apple crumble 都好好食，但......唔識形容呀，好香口囉...... =.=" 總之good啦！
以呢個價錢，ok啦~
(環境太黑、影唔到相......)
Post