La Postre (厚福街) (Closed)

之前好友生日本來想預訂這一間西班牙餐廳，但因為太遲預訂沒位置， 最後不了了之。今日下雨天， 剛巧在厚福街覓食， 碰碰運氣 , 竟然可以唔使等就入座。環境同埋擺設都好靚。飲品每一樣都睇落好靚，我點左個鮮雜果莫希托， 莫希托本身係一種帶酒精嘅cocktail， 最基本嘅係材料係薄荷，梳打水同檸檬。 我點這杯是不帶酒精，但同樣有酸甜味道， 配合鮮果，味道很不錯。前菜叫咗個芝士蟹餅，主菜當然係我最喜歡的西班牙海鮮飯。芝士蟹餅，中間位置嘅蛋有點流心，配合芝士粒，蘑菇， 味道對我來說很新鮮，有點似韓國嘅爐邊蛋捲。 再加了木魚在面，有點大阪燒的感覺。最愛嘅西班牙海鮮炒飯賣相一流， 海鮮種類都幾多, 而且都係雙數，可以兩個人平分，飯量很多，海鮮精華入了飯，小青椒紅椒粒少許蝦米及最重要的番紅花今次嘅主角係甜品，我點咗個鮮果麻糬窩夫，half size 價錢同full size 只係相差30蚊, 所以我好貪心咁點左一個full size, 真係好好味, 煙煙靭靭, 可以點附加嘅蜜糖，水果包括有無花果，士多啤梨，雜莓，超級推介，下午茶可以兩個人share一個，非常抵食。