Nun Desserts Cafe

Open Now

Now Closed

位於旺角人氣韓式雪冰店，入嚟呢度，專食韓式甜品既餐廳，都幾多食客架。夜晚特登約咗個為食朋友一齊過嚟食，叫咗一樣鹹主食同飲品，其餘重點同重頭戲當然係甜品啦！主食：韓式炸醬麵 $65份量唔太多，留肚食甜品。麵條煙煙韌韌，沾滿醬汁，啲醬啱啱好，唔會好over或者死鹹，簡簡單單，都幾好食。甜品：韓式荔枝芒果雪奶 $79韓式魔鬼OREO碎碎雪奶 $75佢地嘅雪奶同日式刨冰唔同，韓式係用咗牛奶刨成冰，加各式各樣嘅配料配搭出嚟，所以個Base已經有好香奶味，加埋煉奶，甜甜地。飲品：海洋荒島(荔枝味) $54好得意嘅配搭呀！有鯊魚橡皮糖，雲呢拿雪糕。海藍色沙冰，荔枝味為主，入面仲有椰果架。