茶木‧台式休閒餐廳 (Closed)

我最近變咗茶木既Fans！今日係Yoho食完晚飯，甜品癮起但又懶得行咁遠，於是就去咗茶木食甜品。屋企人鍾意食芒果，就嗌左個芒果糯米飯。椰漿暖暖地，味道不過不失。糯米飯比較結實，痴埋一舊，口感麻麻地。而芒果已經切好一舊舊，方便進食，但個人覺得偏酸。朱古力雪糕🍦配上蜜糖麵包磚，兩個人就岩岩好。麵包磚脆卜卜，配上雪糕真係一流，但係個人覺得Cream太多，味道偏甜偏膩。花茶好好飲，清新解膩，配埋蜜糖更容易入口。