夢の丼 (Closed)

本身响土瓜灣返工，都有黎開食lunch, 不過都係食lunch set. 今次因為「泊檔」和餐廳合作有預售餐，所以就訂個餐黎試吓。由於訂咗個餐一段時間先食，到食嘅時候有啲食材已經唔啱時令，所以餐廳轉咗另一啲食物。我地一行4個人，只訂咗個2人餐，因為有9折，諗住再即場加其他野食。第一次食燒雪魚乾，好脆，幾好味！柔煮鮑魚，鮑魚煮到好淋好入味👍清酒煮蜆和油甘魚鮫都出色，值得一試！仲有個推介係蟹皇醬燒蟹膏豆腐，好香蟹膏味！整體來講，成晚食咗好多樣野，多到啲相放唔晒🤣樣樣都好味，令到我想再黎食晚餐，因為午餐set lunch無咁多款式，晚餐就可以食到咁多唔同款嘅日本菜，大滿足！最仲要係呢餐好抵，預售餐再加即場追加，每人都係$300，真係好豐富😋提外話，每樣食物攞盤都好款，擺上枱已經好吸引，望落去好似去咗高級日本餐廳食嘢咁，已經加分不少！