丼瀛 (Closed)

今日去廟街搵食，平時嚟開都係食小炒為主，今次就試吓呢間日本嘢先！入到去職員好主動咁介紹今日有咩特別嘢可以試吓，我俾佢個北極光海膽杯同丼瀛龍蝦沙律刺身雙層爆丼吸引咗，話晒人氣推介就試試佢，個爆丼一上到嚟就見到成隻龍蝦、有糖心蛋、北寄貝、三文魚、帶子、吞拿魚、油甘魚、八爪魚刺身等，龍蝦切粒同玉子粒，食落有d青檸味好fresh ，最低下層先係壽司飯，隻鉗仲要啖啖肉😍再嚟就係海膽杯，最頂層有金薄、黑松露、海膽、海葡萄、三文魚子、蟹膏、蟹肉，最底層係紫薯，一杯入面有多重味道，唔錯...最後叫埋個三文魚鮫，因為即燒所以需時，燒得到好滑唔會好乾身鞋口。