嵐橋丼飯專門店 (Closed)

呢間專門食日式料理嘅餐廳，主打丼飯，尖東站一出行5分鐘左右就到。餐廳唔算好大，坐得密少少，但就有一種好地道日式料理餐廳嘅感覺。👉🏼火炙吞拿魚沙律🥗 $118吞拿魚外邊微微火炙過，配上芝麻、黑椒，令到吞拿魚食落唔會腥、又保留到口感，配埋沙律菜、蕃茄仔，清爽又開胃。👉🏼極上海之幸丼 $308呢款丼飯勁豐富😍，擺到藝術品咁靚🎨，有肥美、溶於口既拖羅，仲有已剝殼既蟹鉗、牡丹蝦、鮑魚、池魚、鯛魚、油甘魚、三文魚子同埋拖羅魚蓉，大滿足！👉🏼天婦羅盛合$128一款綜合嘅天婦羅🍤，有大蝦、南瓜、茄子🍆、秋葵等等嘅天婦羅，每一款都炸得金黃剔透，咬落冇好油淋淋嘅感覺。👉🏼黑松露三文魚籽帆立貝卷$158帆立貝配上黑松露三文魚子同埋沙律醬，帆立貝唔算好厚，不過個人鍾意呢個魚子醬味好濃😆。👉🏼鹿兒島黑豚蘆筍卷$46 👉🏼厚牛舌$58👉🏼焦糖菠蘿$32👉🏼芝麻雞翼$52除咗丼飯之外，呢度都有串燒食，價格就居酒屋價錢🤣，印象深刻既係焦糖菠蘿，菠蘿🍍外層加左層焦糖，令到菠蘿更甜🤤。