豊勝手丼 (Closed)

豊勝手丼幾年前已經食過，當時仲喺謝斐道，鋪仔細細只坐得十個人，但啲海鮮丼飯都唔錯，仲可以好似車仔麵咁自由配搭，黎開附近staycation，見倒原來豊勝手丼搬左去V Point，店面大左坐得冇咁迫，就趁check in前食個lunch先。店內有分普通餐枱同壽司吧檯，可以容納大約30個食客。豊勝手丼新店雖然冇得好似以前咁自由配搭魚生款式，但海鮮丼款就多左好多，生嘅熟嘅都有，除左丼飯，亦有烏冬，價錢由$68至$338，豐儉由人。午市定食都幾抵食，由$68至$148，全部包左沙律、前菜同味噌湯。沙律雖然簡簡單單只有沙律菜、車厘茄、粟米同蟹籽，不過酸酸地都幾開胃。前菜汁煮蘿蔔牛肉，牛肉唔會太韌，蘿蔔好腍又冇渣。廚師精選壽司定食配腐皮烏冬($138) - 哩個定食包左八件壽司同一碗迷你烏冬，份量都好足好抵食。壽司八件都唔同，有馬刀貝、海膽、火灸比目魚邊、帆立貝、赤蝦、真鯛、三文魚同油甘魚，每一件都有光澤唔會太乾爭爭，壽司飯亦握得夠實，唔會一夾就散開。其中我比較鍾意馬刀貝同赤蝦，因為前者好爽口，後者就鮮甜又爽彈。酸薑旁邊仲有玉子，唔會太甜。烏冬幾滑仲有啲彈口，上面有半塊腐皮，甜甜地幾好食。白桃梳打