意味 (Closed)

男朋友成年都無食過意味~ 成日都嚷著要去食下... 今日就帶佢同埋佢幾年無見既朋友一齊去啦~ 由於怕要等位... 所以一早就book位~三個人就安排左卡位坐~ 幾好... 我地仲要坐得好近半自助餐既位置~ 沙律吧就係我地旁邊^^ 叫野食lu... 煙三文魚白菌蛋汁燴扁意粉: 朋友仔叫左哩個~ 佢話味道唔錯... 睇樣都知道色香味俱全~ 美國極黑豬伴燒老虎蝦配紅酒汁: 男朋友叫左哩個~ 賣相好吸引... 而且蝦味夠鮮甜~ 黑豬扒燒得剛好~ 肉質一D都唔"鞋"... 放落口好juicy~ 香橙燒比目魚扒伴日本扇貝: 至於我就叫左比目魚食 味道同賣相都好好 扇貝好新鮮~ 好清甜... 比目魚扁鹹不過都唔影響肉質既味道~ 加埋個香橙汁... 開胃醒神簡直絕配~之後食左甜品吧~ 今次芝士餅味道麻麻地~ 等左好耐都唔見有好好食既藍莓芝士餅... Tiramisu味度都係麻麻地~ 芝士較軟身...唔知係咪因為放得耐左~ 糕花糕味道好香... 而且味度較清~ 值得一提係朱古力雪糕真係好好食... 味道濃而且有朱古力碎~下次去一定要再食