十二味 (LADDER Dundas) (Closed)

來自中國嘅川菜餐廳，自然以紅色為裝修主打顏色，十分醒神！用QR code自行落單，快捷方便一目了然。柚子茶及熱情果梳打～見到$28一個嘢飲好似有一點小貴，但原來佢係用極大玻璃杯去裝，所以份量非常多，成件事立刻合理晒！飲凍嘢、食辣嘢真係啱啱好！酸辣木耳～酸辣汁喺呢度前菜嘅靈魂，兩種味道配搭得宜，誰也沒有喧賓奪主！木耳非常爽口，作為前菜絕對可以攞滿分～杏鮑菇（ 10串）～一串一口食用非常方便，加上惹味嘅燒烤調味料同杏鮑菇本身爽口嘅口感，好味道👅乾煸四季豆～四季豆已經走過油！顏色非常亮麗！賣相一流，加上肉碎同辣椒激發出肉香，更加令人回味！黯然銷魂炒飯～炒飯粒粒分明，夠哂乾身，配料有蝦、紅蘿蔔、菜心及蛋⋯⋯等等，可算係大人/小朋友都鍾意食嘅項目。