久久

Open Now

Now Closed

餐廳：久久地點：中環街市菜式：台灣菜餐牌：下午茶餐牌有古早手工麵，家傳滷肉飯，地道小食，甜點，飲品，價錢相宜久久紅燒半筋半肉麵 $63久久紅燒半筋半肉麵大大碗，面頭係牛肉兩大件同牛筋三條。牛肉有啲口感。牛筋入口即化，食落骨膠原感重。伴有兩大條小棠菜，鹹菜同蔥花。個湯好清，飲落帶少少酸味，送麵好食唔會肥膩。麵係白色扁身麵條，都有口感，份量唔少，唔錯。呢個下午茶價錢抵食。久久麻辣牛三寶 $98牛魔王想食多d牛，加個久久麻辣牛三寶小食，熱辣辣上枱。牛三寶包括腱心三大條，牛筋四條同牛肚三片。牛肚好有口感，牛筋入口即化，滿嘴骨膠原！伴有入味滑溜滷水蛋一隻同鹹菜。面頭灑上蔥花同辣椒。味道係好辣架，好刺激！滷肉A菜 $38都要食返d菜平衡下！滷肉A菜係油墨菜上面加好多滷肉。油墨菜份量足，滷肉份量多，健康又好味。古早芋泥三色芋圓 $38今餐要甜品唔要飲品。古早芋泥三色芋圓大大碗，中間芋泥一大舊，外圍有黃，深紫同淺紫芋圓各4粒，再加涼粉，最後加上淡奶。芋泥整散餸芋圓涼粉同食完全唔覺甜。芋圓口感煙韌唔會太粉，涼粉滑溜，口感豐富！分量夠兩個人分。今餐食物質素都唔錯！餐廳上菜快捷，價錢合理，地點方便。中環返工