養心殿台式養生鍋 (Closed)

早前去佐敦買完野，搵到呢間一直好想試嘅邊爐：養心殿。裝修古色古鄉，幾有feel。淨係揀個鍋都考慮左五分鐘，個個都想試。最後選擇左秘製薑母鴨鍋。一上枱...大得驚人🤣好足料，有好多件鴨，仲有馬蹄，好爽甜手工丸類拼盤：每樣丸都想試，咁就揀個拼盤。丸質彈牙，好夠味。最鍾意個黑松露蝦丸，好香。梅菜豬肉丸又幾得意餃子拼盤：餃子皮薄多饀，最鍾意水蓮餃，好爽口。麻辣牛肉餃，我唔食得辣都ok，少少麻辣效果。魚皮餃最煙韌炸芋頭：外脆內軟，好鬆化，索左啲湯好好味台灣水晶冰菜：爽，彈，脆，新鮮。好鍾意食呢隻菜，又翠綠，食得好開心鹽酥雞：熱辣辣炸起，外皮鬆脆，肉面有汁，夠入味柚子沙冰：送架，一人一小杯試下。好濃嘅柚子味，唔錯服務好貼心，有效率。下次再黎試其他鍋！