沐白小農 (Closed)

個人係超級芋泥控，所以一早係呢間店係香港開左冇幾耐嘅時候已經聽聞過佢，但可惜因為佢分店唔多又唔近我會出沒嘅地方所以一路冇機會去。襯前個排要入元朗做野，所以就借機去試下！放工一齊同朋友去買黎試下，一人揀左一杯，然後share下咁。我就梗係要我最愛嘅大甲芋頭鮮奶啦！朋友就分別揀左黑糖波霸鮮奶同埋草苺鮮奶。然後發現大家都叫左鮮奶，真係會飽死～買完之後就去左附近公園坐低一路傾計一路飲，超級享受呢杯大甲芋頭鮮奶真係冇得輸芋頭分量好多，同鮮奶一比一。我決定唔撈均佢黎飲，因為想好好品嚐芋泥嘅香味同埋口感我揀左冇另外加糖。芋頭自己平身應該加左少少，甜度岩岩好，更加提升到芋頭嘅香甜味。芋泥勁綿密，間唔中吸到芋頭粒，呢個口感真係冇得輸！係咁多杯之中我嘅最愛，飲晒成杯其實冇我想像中咁飽，之後都仲食得落晚餐呢句句子我有D唔係好明白，點解要係偏差值可能係我唔夠書卷味重所以唔明白咁深奧嘅野～朋友呢杯黑糖波霸鮮奶都幾好飲。黑糖珍珠鮮奶我都算係飲過幾間，呢間算係做得幾唔錯。可以揀唔另外加糖幾好～甜度算係可以接受，但當然係3杯之中最甜。一攞上手feel到個底暖笠笠如果唔搞均飲嘅話個人覺得有少少太甜，同鮮奶撈均就岩岩好。