阿木台灣麵 (廣華街) (Closed)

以前阿木新開張果時，名氣仲未太大嘅時候，我和同事都會經常去幫襯，一星期總會去一/兩次！但係自從佢聲名大噪後，我哋每次經過都被佢門外嘅人群嚇怕，一直都無機會再幫襯！即使阿木再開分店，人龍依然存在，從無間斷！直到今日，我和同事冒住遲到嘅風險都要去攞飛排隊，最後皇天不負有心人，終於被我哋食到我叫咗一碗紅燒牛肉麵、同事叫咗排骨肉燥拌麵！紅燒牛肉麵保持水準，牛展好冧好好味，簡直無得輸！同事嘅排骨肉燥拌麵，佢話炸豬扒就比較乾同硬，只屬一般，但肉燥拌麵就唔錯，一定要加埋阿木秘制嘅麻辣醬，簡直係成個麵嘅靈魂所在！