Video
Read full review
2015-01-15
2912 views
上一次到水月晚餐已經係半年前嘅事，今次去係慶祝朋友升職～友人聽到李志剛電台飲食節目極力推薦水月俾聽眾（打去電台問番餐廳名），今晚再去試一試～一行4人七點到達，我地係第一枱客人，選擇坐喺某一角，環境依舊舒適唔拘束。店員向我地介紹左菜單後就準備開始食...醬汁燒厚菇，廚師特製醬汁烤溫室厚菇非常好味！一邊食一邊滲出菇味及汁，同醬混合埋味道好特別，食埋d蔬菜感覺好舒服！煙燻清酒高湯鮑魚，打開樽裡面即時飄出車厘木味煙，好特別！鮑魚好新鮮亦腍，湯帶甜味，我地係飲哂😂，呢個餸係有視覺效果亦好味！溫泉蛋配吉列蟹肉餅，賣相有魚子及金萡好名貴！𠝹開蛋黃同吉列蟹餅混合一齊食，好豐富滿足😊食埋旁邊d蔬菜後完全無熱氣感覺，蟹餅肉啖啖鮮味蟹肉，好味！南瓜帶子豆羹，呢個南瓜湯下面有個豆羹，係估唔到可以滑成咁！同湯一齊飲係雙重味覺享受，塊帶子亦好鮮甜！側面係腐皮脆卷，放落湯度食好似打邊爐食生根咁，好有趣青檸泡泡(飲完個湯太開心，唔記得影相），玻璃瓶飲管內有青檸味泡泡，賣相新奇特別，但多幾啖就好啦😁澳洲龍蝦配南瓜蓉,主菜我選擇龍蝦因為係得獎菜，首先賣相已經高分，食埋就仲高分！龍蝦新鮮爽口，黏埋側面龍蝦油好香口，南瓜薯蓉
上一次到水月晚餐已經係半年前嘅事，今次去係慶祝朋友升職～友人聽到李志剛電台飲食節目極力推薦水月俾聽眾（打去電台問番餐廳名），今晚再去試一試～
一行4人七點到達，我地係第一枱客人，選擇坐喺某一角，環境依舊舒適唔拘束。
店員向我地介紹左菜單後就準備開始食...
醬汁燒厚菇，廚師特製醬汁烤溫室厚菇非常好味！一邊食一邊滲出菇味及汁，同醬混合埋味道好特別，食埋d蔬菜感覺好舒服！
煙燻清酒高湯鮑魚，打開樽裡面即時飄出車厘木味煙，好特別！鮑魚好新鮮亦腍，湯帶甜味，我地係飲哂😂，呢個餸係有視覺效果亦好味！
溫泉蛋配吉列蟹肉餅，賣相有魚子及金萡好名貴！𠝹開蛋黃同吉列蟹餅混合一齊食，好豐富滿足😊食埋旁邊d蔬菜後完全無熱氣感覺，蟹餅肉啖啖鮮味蟹肉，好味！
南瓜帶子豆羹，呢個南瓜湯下面有個豆羹，係估唔到可以滑成咁！同湯一齊飲係雙重味覺享受，塊帶子亦好鮮甜！側面係腐皮脆卷，放落湯度食好似打邊爐食生根咁，好有趣
青檸泡泡(飲完個湯太開心，唔記得影相），玻璃瓶飲管內有青檸味泡泡，賣相新奇特別，但多幾啖就好啦😁
澳洲龍蝦配南瓜蓉,主菜我選擇龍蝦因為係得獎菜，首先賣相已經高分，食埋就仲高分！龍蝦新鮮爽口，黏埋側面龍蝦油好香口，南瓜薯蓉又甜又香，難怪攞到國際獎項
麻籽烤羊架 ，朋友選羊架，以為龍蝦好味，點知羊更出色！店員話係羊中之皇威爾斯新鮮羊架以四川麻籽醃製，羊肉唔「蘇」，味道非常香、肉質嫩，好好味！
北海道黑毛豬肩配八珍山渣汁，無諗過豬係可以咁香口好味，有個部位嘅肉係爽口，肉汁豐腴！
北海道刺身級帶子配蜜糖豉油汁，店員話帶子係即日下午5點幾由北海道到香港非常新鮮，未試過結冰狀態，所以肉質係新鮮彈牙，果然無介紹錯！同外面餐廳嘅帶子完全唔同，呢度係咬入口帶子肉一絲絲架！
試左四款主菜，好難分誰勝誰負，各有千秋。我自己鐘意豬，味道非常特別，帶子亦好新鮮彈牙，而羊就驚喜萬分，龍蝦就層次豐富，水月主菜令我地有選擇困難症！哈哈
白松露意大利雪糕 或 紅豆綠茶意大利雪糕，呢個紅豆綠茶意大利雪糕係必食！茶香吸引！
而白松露味亦令友人傾心，哈哈！
四個女人一個大墟，今晚食得非常開心，店員珊珊每道菜詳盡介紹，令我地食得好清楚。所以朋友再一次極力推薦水月作為慶祝食飯首選地點，話包無失拖
4個人主菜轉左兩款食物埋單$2761，每人平均唔過$700蚊，食到廚師用心、新鮮食物、驚喜處處，雖然無靚靚維港景色，但與知己閒聊晚餐、有美食相伴比較實際。
有時候會聽到人話香港已經無哂良心食店，周圍都係集團式經營，其實只要去試，避開d大商場走入小店，仲有好多人每日用心做緊，只係我地習慣性做商場精而忽視佢地存在水月，繼續努力！感謝珊珊熱切款待
Post
