瘋鳥 (Closed)

以前好鐘意放工同同事落長沙灣瘋鳥食飯，貪佢多選擇，食物又平又好食，不過自從轉工之後遠咗就少咗去。咁啱呢日約咗個住長沙灣嘅朋友食飯，就係咁，我同瘋鳥終於久別重逢。呢到都仲係咁旺咁多人，好彩有book定位。餐廳走文青風，而且燈光柔和舒適，好適合傾計食飯。✨分享拼盤 $108最鐘意食熱氣嘢🙋🏻‍♀️呢個分享拼盤啱哂我，有炸雞翼、西蘭花芝士卷、鹽酥菇、薯條。全部炸得金黃香脆，好香口，邊食邊吹水啱哂👍🏻炸雞翼外脆內嫩，肉質仲好juicy；西蘭花芝士卷嘅芝士味香濃，質感煙煙韌韌；鹽酥菇好有驚喜！薄薄一層炸漿包住好彈牙嘅鹽酥菇粒，質感好有趣。薯條香脆，食到停唔到口！✨三重芝士炸蝦Pizza $115爆哂芝嘅三重芝士炸蝦Pizza，絕對係呢到嘅必食item，熔岩拉絲效果強勁，芝士爆滿！pizza餅底鬆脆，上面嘅炸蝦脆卜卜，正！✨Hot Banana Chocolate $40朋友嘅熱香蕉朱古力，朱古力味香濃，同時夾雜着香蕉嘅香甜味，幾時都話香蕉同朱古力好夾！✨Iced Apple Grapefruit Tea $38清爽唔太甜，入口果味茶香平衡得唔錯，配炸物仲有減油減膩嘅作用。