台灣美食 (Closed)

8月30日, 前幾星期食過附近嘅翠苑, 發覺原來呢條街都幾多食肆, 而家嚟太子就多咗一個開飯點喇! 今晚去新世紀睇戲, 當然近近地去咗呢度搵食, 有間台灣野, 都好耐冇食過肉燥飯, 見佢入面都有d人, 就食佢啦~::: 馳名肉燥飯 + 珍珠奶茶 ::: $35簡簡單單叫個肉燥飯, 滿足一下自己嘅台灣癮先~ 碟頭都算大, 肉燥鋪咗一半, 加埋d椰菜同滷蛋, 賣相都ok~ 肉燥味道好好, 滷水味夠, 肉粒好入味, 仲有d冬菇添, 撈飯好好食~ 滷蛋亦能夠增加口感, 雖然凍咗同埋應該整咗好耐, 但係都唔太差~珍珠奶茶亦都好有台式風味, 奶夠濃滑, 珍珠都夠爽口, 成個飯$35連飲品, 好超值~一間小小店, 座位唔多, 但係都keep住有人入嚟~ 自從連鎖式台式食店執下執下就嚟冇晒之後, 都好耐冇食肉燥飯, 好回味~ 今晚得我食, 呀菲冇得食, 不過見我食得咁開心, 佢話下次一定要嚟番食一次, 咁好食當然我都要番兜啦~