皇仁書院舊生會﹝中菜部﹞

Open Now

Now Closed

年初時，大食會其中一位會員收到風，話「皇仁書院舊生會」個中餐超好食，每晚爆場爆到訂位都起碼要等幾個月先有位 。無奈舊生會只招待會員，即舊生，小肥要千辛萬苦搵到個皇仁舊生先可以安排飯局。原來「皇仁書院舊生會」屬「皇仁書院」一部份，中菜部午飯時間負責為學生提供餐飲服務。舊生會正門內外都舖有紅地毯 ，腳踏上去差啲真係以為自己變咗個重要人物 。一入門口已經見到牆上o既金屬板上刻有兩位大慈善家o既大名。不過入到去廂房一刻就覺得室內比較迫，狹窄嘈雜o既環境頓失之前原有o既氣派 ，幸好服務生尚算勤奮有禮，成功挽回不少好感。寫餸重任由代表皇仁o既IQ Uncle全權負責，菜單屬「皇仁御宴」o既進化版，由十二人份量改為十三人，故價錢亦有所調整。 人未到齊，叔叔先呈上兩碟炸魚皮小食俾大家一邊送酒，一邊等朋友。魚皮炸到好似薯片咁乾身薄脆，香口惹味 。 糖桂花餞美國桶蠔：肥厚o既桶蠔皮層香脆，以糖桂花蜜餞效果清香甜美，不過個人略嫌唔夠熱同鮮。 紫薑鴛鴦蚌仁鮮鴿片：小肥係大食會會員中輩份最低o既，好自然地亦係最後一個夾餸食，當鴿片轉到細佬面前，碟上只剩紫薑、幾塊桂花蚌同一件鴿片，似乎份量唔多夠