Video
Read full review
2022-08-18
384 views
好耐冇去嘆tea，友人見到有個帝京的Afternoon Tea Set-香田日式料理 x Elizabeth Arden推出的夏日鑽白の「魅」下午茶，有得食又有護膚品送即吸引左，個價又OK，對我地來講有一位計實在太好了，因為我地多數3人去，(有啲餐廳嘅Afternoon Tea set左2人用係冇1人用的)，加上最近成日都落雨，係呢到食完野又可以行下廣場果下方便，THANKS友人BOOK位。雖然都去過幾次帝京食Tea，但去香田都係第一次，餐廳面積頗大，裝潢時尚有格調，我地3人坐的位置都幾正，感覺似一間房有個人空間，寧靜又舒適。漂亮的花燈座。夏日鑽白の「魅」下午茶HK$548(兩位)，HK$278(一位)賣相十分精美，鹹點及甜點各5款，份量十足。飲品都幾多選擇，我們3人要了以下:姜蜜之舞，辣中帶甜，清潤之感。Cappuccino，友人的。Brightening Summer(Cold)，友人的。鬆餅、提子鬆餅，建議先食，微熱的鬆餅，加上迷你之下食得方便，口感比平時食的鬆餅較鬆軟，好味。鹹點，以日式為主多:鳳尾蝦伴芒果沙律汁，芒果酸甜，蝦肉爽口，清新之感。北海道松葉蟹肉自家製豆腐，松葉蟹肉
好耐冇去嘆tea，友人見到有個帝京的Afternoon Tea Set-香田日式料理 x Elizabeth Arden推出的夏日鑽白の「魅」下午茶，有得食又有護膚品送即吸引左，個價又OK，對我地來講有一位計實在太好了，因為我地多數3人去，(有啲餐廳嘅Afternoon Tea set左2人用係冇1人用的)，加上最近成日都落雨，係呢到食完野又可以行下廣場果下方便，THANKS友人BOOK位。
雖然都去過幾次帝京食Tea，但去香田都係第一次，餐廳面積頗大，裝潢時尚有格調，我地3人坐的位置都幾正，感覺似一間房有個人空間，寧靜又舒適。
漂亮的花燈座。
夏日鑽白の「魅」下午茶HK$548(兩位)，HK$278(一位)
賣相十分精美，鹹點及甜點各5款，份量十足。
飲品都幾多選擇，我們3人要了以下:姜蜜之舞，辣中帶甜，清潤之感。
Cappuccino，友人的。
Brightening Summer(Cold)，友人的。
鬆餅、提子鬆餅，建議先食，微熱的鬆餅，加上迷你之下食得方便，口感比平時食的鬆餅較鬆軟，好味。鹹點，以日式為主多:
鳳尾蝦伴芒果沙律汁，芒果酸甜，蝦肉爽口，清新之感。
北海道松葉蟹肉自家製豆腐，松葉蟹肉味道鮮甜，豆腐口感軟滑。
赤栗雞肉酥盒，赤栗雞肉惹味。
北寄貝牛油果沙律最中餅，北寄貝牛油果沙律配搭清新，口感軟滑有少少咬口，鮮甜味道，配上脆脆地的最中餅食都幾有特色。
迷你豚肉生薑燒漢堡，飽肚之選，豚肉香口帶點薑味，不俗呢。甜點，色彩繽紛:
鹹焦糖夏威夷果仁栗子撻，栗子蓉味道濃郁香甜，撻底鬆脆，幾好味。
草莓芝士蛋糕，十分搶眼的賣相，酸酸甜甜的草莓味，芝士蛋糕味道濃郁。
青檸薑瑪德琳蛋糕，蛋糕鬆軟，清香的味道。
黑加侖子朱古力慕絲蛋糕，賣相高貴，朱古力味濃郁，配上黑加侖子酸酸甜甜中和了甜漏感，口感軟滑，好味呢。
青蘋果血橙慕絲，酸酸甜甜。
茶點賣相精美，味道不俗，價格合理，環境舒適，服務態度有禮又親切，用餐後會問下食物如何(加分)，有下次呢。送Elizabeth Arden的贈品，嘆Tea後順便去朗豪坊行下拎埋，方便。
夏日鑽白の「魅」下午茶
HK$548(兩位)，HK$278(一位)
2022年7月11日至2022年9月30日
15:00–17:00
Post
