榮發風味美食餐廳

Open Now

Now Closed

好耐冇食過咁有水準嘅鑊氣小炒，以前細個同屋企人去食大排檔嘅回憶即刻返晒嚟！呢度啲小菜好夠鑊氣，食物一上枱果陣香味已經令大家急不及待起筷。呢度啲煎炸嘢鬆化得嚟又一啲都唔油膩，我哋食完碟椒鹽白飯魚，都忍唔住要叫多碟椒鹽鮮魷。海鮮嘅火候都啱啱好，不過想食海鮮的話，記要預早同餐廳講，等佢哋預備食材。另外一提，就係呢度嘅乾炒牛河非常有水準，一定要試雖然係茶餐廳，但堂食嘅位置都好闊落，除咗靠牆嘅卡位，中間仲有幾張大枱，一大班人柴娃娃去食飯都唔會話好迫。