金蘭花泰國菜館

Open Now

Now Closed

去開九龍城食飯嘅人都知道，通常都係食一定係食泰國菜。因為成個九龍城都係泰國餐館，所以都無乜所謂反正之前都食過幾間今次只係揀一間新嘅去試吓。兩個人一坐低見到餐牌好多選擇已經覺得眼花撩亂，一開始就叫左一個一定要叫嘅泰式拼盤，有荷葉包雞，串燒，蝦餅同泰式春卷。個荷葉包雞入面會加上芝麻，配上雞肉係一個幾好嘅配搭，而值得一提嘅係個泰式春卷，入面會有粉絲，蘿白絲等等。叫咗一個椰青，都幾大個又甜又多水，食親泰國嘢都必叫。泰式牛肉炒貴叼，其實原本應該係打算叫泰式乾炒金邊粉，但老貓燒鬚搞錯左變咗貴叼，感覺還可以不過要告誡自己下次一定要記得個名！泰式炸豬手，見台台都有叫所以我哋又跟住叫。成個豬皮炸得好香脆，肉身都好滑，雖然個皮略有小小咸，不過配埋啤酒就一流。豬手份量有啲大，建議多個兩個人先好叫吖！叫咗個泰式咖喱包配雞，之前食過幾間都冇呢一個，難得見到今次有就即刻叫。咖喱雞配包真係幾正，另外個包入面會有一個椰皇殼，剩低大概半杯椰皇水會分開上俾翻你飲。