沙嗲王 (眾安街) (Closed)

好耐無食過沙嗲王，晚餐時間去到 ，門口已經好多人等緊，2人枱，要等9張，等左大概半個鐘左右就可以入場， 速度算快。一共叫咗四樣嘢食， 香芒蟹肉炒飯，軟腳蟹，芝士焗年糕同蝦堡。其中推介香芒蟹肉炒飯， 顧名思義， 三樣嘢分開嘅放係同一個碟度，但加埋味道好夾，而且個芒果好甜好香，蟹肉分量都算多。標準分量嘅避風塘炒軟腳蟹，其實係2隻蟹，分開4份， 味道唔算辣，而且脆卜卜，推介。芝士焗年糕，嗰面好油， 但啖啖芝士，岩晒鍾意食芝士又唔怕肥㗎人士。最後到蝦堡喇，係油炸食物， 表面上見到有蝦， 但口感唔算彈牙，都冇乜蝦味，但四十幾蚊，有六件可以試一試，但唔會encall！