丼丼屋 (德福廣場) (Closed)

同老公0係德福行街睇戲，行到咁上下又要諗下食乜既時候，開左個app見到丼丼屋，好耐冇食又可以唔駛去餐廳就可以拎到飛等位，非常方便就揀左食丼丼屋。行左一陣個app彈出黎話就黎有位，我地就行定過去，去到等左兩張枱就到，呵呵，呢個app真係好鬼死正！好想食刺身，所以叫左我最愛既三文魚親子丼！太耐冇黎食，原來三文魚親子丼既三文魚已經唔係粒上係片上，睇一睇，三文魚都算幾多片，而且肥美新鮮！三文魚子大大粒帶有醬油香，飯係暖暖的，幾好味！但感覺上好似比以前細碗左好多咁？！加$28 轉左個set， 有小食，沙律，湯同埋炸雞。炸雞肉比較實而且應該係雪藏雞件，炸到好乾，麻麻地。。老公叫左呢個，不過不失