尚膳養顏滋補鍋

Open Now

Now Closed

無得飛台灣真係好掛住台式火鍋。雖然坊間有好多但唔係間間都好食。今日就嚟試吓尚膳。雖然大廈比較舊，但餐廳裝修得好靚。我哋揀咗麻辣拼魚雲湯底。麻辣揀咗小辣真係唔係好辣，我都可以食到。魚雲湯就充滿驚喜，除咗有成個魚雲，仲有隻烏雞脾，配上濃濃藥財味，真係好正。自助點餐之後，去咗醬料區有三款前菜。個人喜歡枝豆。配料方面唔少得手切牛啦。餐牌有不同嘅牛配料，我揀咗牛骨髓，因為好少有。手工四寶丸各有特色，推介芝心牛丸點咗一份海蝦，非常大隻，嚟到嘅時候仲彈彈吓，好新鮮。菜就選咗豆苗，用提供嘅網籃嚟煮真係啱哂。飲品方面價錢合理，食完仲有生果送。滿足又滿意的一餐。