鼎泰豐 (Closed)

是日同內子Ｏ係美麗華行左陣，６點半左右就去搵地方食下野，驚晏Ｄ會多人。見到鼎泰豐，好幾年前Ｏ係台灣時食過一次，香港開左幾間都未食過，見人唔多就去食下。餐廳好闊絡，店員安排左ｓｏｆａ位俾我地，坐得都好舒服。坐低之後店員仲會幫手用椅套包住掛Ｏ係櫈度既外套，係幾好ｓｅｒｖｉｃｅ的。＃台式四季豆：鋪面既肉碎幾惹味，四季豆都十分ｊｕｉｃｙ＃小籠包：話哂係呢度既招牌，皮薄多肉汁，係唔錯。唔洗點醋都好食，但一定要趁熱食＃糯肉燒賣：幾驚喜，一見糯米以為會好油膩，但又唔會。入面既糯米好飽滿，而且帶有Ｄ咸香味，唔錯！＃菜肉餛飩湯麵：不過不失，餛飩都足料同大隻。麵質煙韌唔會太淋