大馬館 (Closed)

放工同幾個同事經過此店，見招牌幾特別叫大馬館，不期然地想入去試試，呢度主打馬拉菜，我哋變點咗大馬去骨海南雞，肉質嫩滑，第二樣點了馬來西亞肉骨茶，藥材味夠濃，久違了的味道，同之前去馬來西亞旅行食的味道一樣，相信喺香港好難食到呢種味道，大家一定要試吓，終於俾我今日可以食返這種味道，第三樣點了馬來沙嗲串燒，沙嗲醬有花生醬的香味，我哋又叫咗咖喱牛柳絲，主角應該係咖喱，咖喱汁有椰香的味道，唔錯，脆炸蝦餅，炸得啱啱好，呢度雖然舖頭細，但都坐得舒服，最後一定要讚賞事頭婆，招呼一流，間中過嚟問我哋啲食物如何，睇得出佢有心經營，所以有機會都會再次光臨，試吓店內其他食物。