Video
Read full review
2024-10-29
335 views
男朋友生日，又去唔到日本慶祝，第一時間就諗起好有日本居酒屋feel嘅五勺食飯！之前同過朋友食過都好難先book到枱，所以今次我都早左一個星期WhatsApp訂左枱先。入到去第一眼就見到一大排雪櫃都係清酒好壯觀😳天花板同牆身都貼滿晒清酒貼紙，好有日式居酒屋感覺😍池魚刺身 $128 👍🏻👍🏻👍🏻👍🏻👍🏻一坐低店員就搵左部iPad話係當日日本新鮮空運返黎嘅魚，有好款都未見過，當晚我地就揀左池魚刺身食，每片都大大片好新鮮，點埋酸汁食仲好鮮甜，之前魚骨仲可以兩食炸骨或者煲湯，可以好好運用埋魚骨做料理十分之好👍🏻炸赤雞橫膈膜 $68 👍🏻👍🏻👍🏻明太子玉子燒 $48 👍🏻👍🏻👍🏻👍🏻小食之前都鍾意食炸雞軟骨，但店員今日介紹左新出炸赤雞橫膈膜都好好送酒，所以都試下，個感覺有少少好似食緊雞皮咁脆脆哋，同埋應該加咗椒鹽都調味，整體幾香口。明太子玉子燒次次都會嗌，每一啖都好豐富微辣嘅明太子醬好滿足！鐵板味噌牛腸 $88 👍🏻👍🏻👍🏻👍🏻👍🏻呢個係絕對推薦要嗌！鐵板熱辣辣吱吱聲咁上枱勁香已經急不及待要食，牛腸好爽口冇乜脂肪，個醬有少少辣但係偏惹味果種，男朋友唔係好食得辣都食到停唔到口😋龍蝦天婦羅 $198
入到去第一眼就見到一大排雪櫃都係清酒好壯觀😳
天花板同牆身都貼滿晒清酒貼紙，好有日式居酒屋感覺😍
池魚刺身 $128 👍🏻👍🏻👍🏻👍🏻👍🏻
一坐低店員就搵左部iPad話係當日日本新鮮空運返黎嘅魚，有好款都未見過，當晚我地就揀左池魚刺身食，每片都大大片好新鮮，點埋酸汁食仲好鮮甜，之前魚骨仲可以兩食炸骨或者煲湯，可以好好運用埋魚骨做料理十分之好👍🏻
炸赤雞橫膈膜 $68 👍🏻👍🏻👍🏻
明太子玉子燒 $48 👍🏻👍🏻👍🏻👍🏻
小食之前都鍾意食炸雞軟骨，但店員今日介紹左新出炸赤雞橫膈膜都好好送酒，所以都試下，個感覺有少少好似食緊雞皮咁脆脆哋，同埋應該加咗椒鹽都調味，整體幾香口。明太子玉子燒次次都會嗌，每一啖都好豐富微辣嘅明太子醬好滿足！
鐵板味噌牛腸 $88 👍🏻👍🏻👍🏻👍🏻👍🏻
呢個係絕對推薦要嗌！鐵板熱辣辣吱吱聲咁上枱勁香已經急不及待要食，牛腸好爽口冇乜脂肪，個醬有少少辣但係偏惹味果種，男朋友唔係好食得辣都食到停唔到口😋
龍蝦天婦羅 $198 👍🏻👍🏻👍🏻👍🏻
見到隔離枱有隻龍蝦尾好吸引，所以我地都嗌左份嚟試下，都幾大粒龍蝦肉，炸粉唔厚，又爽口彈牙，性價比都唔錯值得一試👍🏻
鹿兒島和牛壽喜燒 $390 👍🏻👍🏻👍🏻👍🏻👍🏻
到左今晚最期待嘅壽喜燒！上年同朋友食過已經認定左呢個係必點！但可能係季節限定，要10月先有🤔好彩今次訂枱時問左店員，今次終於可以帶埋男朋友試下呢度嘅壽喜燒！
$390有一份6片嘅和牛同一份野菜，和牛油花好平均好靚😍未燒已經感受和牛嘅牛油香！不過呢到同之前喺日本食嘅有d唔一樣，係要自己落手燒😆店員會教我地先燒咗牛肉先，再幫我地加湯燒野菜，比較似係關東嘅食法🤔
柚子雪葩 👍🏻👍🏻👍🏻👍🏻👍🏻
海鹽雪糕 👍🏻👍🏻👍🏻
今次係為左同男朋友慶祝生日，訂位時店員有提過可以order甜品有得幫手免費插蠟燭同生日牌，成功製造到驚喜俾男朋友！呢方面都幾細心😍 值得一提係柚子雪葩完全還原到柚子嘅酸，好適合清一清今晚咁豐富美食嘅油膩感！
對於我地2個清酒初學者，見到咁多清酒都唔識點揀，好彩呢度有唎酒師可以介紹清酒👍🏻唎酒師見到我同男朋友慶祝生日，仲特登介紹左「一生青春」同埋「一生幸福」俾我地，好有意思☺️
今晚晚餐人均消費要$650，但男朋友第一次嚟大讚呢到嘅食物同服務，下次拍拖會再過嚟食😋😋
Post
