小巴黎越南餐廳 (Closed)

今日去左屯門行街，行到晚飯時候，係屯門市廣場揾左好耐都唔知食乜，就行去屯門新墟睇下有乜食，見到小巴黎就記起以前成日去食，佢搬左之後好耐都冇去食過，就入去食下，睇下水準保唔保持到以前咁先。烤豬肉湯河烤豬肉係用豬頸肉部份做，肉質爽囗又醃得夠入味，唔錯。河粉湯底淡左少少，味道尚可。沙爹串燒雞肉雞肉腍，沙爹汁香濃，配上花生碎增加香味。茄汁牛腩檬牛腩炆得好腍，醬汁唔太似茄汁😂咁嘅配答第一次食，感覺好唔夾，呢個醬汁配飯就OK。今次食冇之前咁好食，不過懷愐下都好