sugarK (Closed)

好耐未唱過K咁啱有同事生日就試吓呢間Sugar K，我哋有10個人佢哋俾咗間10至15人嘅大房我哋，最低消費$3980包括$450房費可以唱六個鐘頭，另外如果要咪套仲要自己加$20買😓間房唔係太大，不過每間房都有獨立廁所，呢度嘅音響音色唔錯，所以唱出嚟嘅歌都專業啲，佢哋可以直接響屏幕點歌或者用微信點歌。佢哋嘅晚餐選擇唔係太多得，我哋叫咗晚餐應該連飲品同埋餐湯，但係走嘅時候先發現佢哋冇比餐湯我哋…同埋佢哋啲嘢食全部都唔夠熱，只係暖暖哋同埋每間房只得兩支米，要另外問佢攞先至比多一支服務麻麻哋！如果要呢個價錢可以有更好嘅選擇。