鼎王麻辣鍋 (The LOHAS) (Closed)

疫情關係， 直到現時晚市仍未可如常進行， 唯有早食啦！好耐都冇打邊爐喇， 之前都聽過鼎王呢間台式麻煩但一直都冇機會試， 今日放假就同朋友去食個飯！一行入餐廳已經感受到嗰種台式熱情招待嘅氣氛。 服務態度非常殷勤， 會細心介紹每一樣野， 非常贊！由於本人係麻辣控， 湯底一定係食麻辣啦， 點咗小辣， 對我嚟講直頭唔辣， 食得辣嘅朋友可以「中辣」起跳！ 建議大家未開始打邊爐時可以飲吓個湯底， 係好傳統嗰種台式麻辣， 唔會麻到條脷冇知覺！鍋底有鴨血同埋豆腐， 都係可以任添任食， 鴨血好彈牙， 豆腐我個人本身都唔鐘意食， 但放落個湯底， 吸晒個湯嘅精華， 唔錯！兩個人， 啱啱又咗午飯冇耐， 所以都唔算太肚餓， 點咗一個牛拼盆， 牛小排， 滷水牛肚牛腸豬肚， 同老油條！牛拼盆嘅牛好高質， 好重牛味， 中間白色個塊口感好得意，煙煙韌韌， 正！牛小排對比起拼盆嘅牛就失色小小， 但都非常好味！ 牛肚百肚大腸本身上檯時都已經煮好可即食， 放落個鍋底又色， 滷水味好重， 放過落個湯底裏面亦都掩蓋唔到滷水嗰陣味。超正！老油條亦都係推介之一， 油條浸一浸落個湯底， 吸收晒個湯嘅精華， 必食之一！