滿屋廚房 (Closed)

自去完馬拉食過正宗椰漿飯後就有少少鐘意咗佢。終於喺依間餐廳再有機會食返。叫咗依個炸鹽酥雞椰漿飯諗住回味吓。炸雞比較肥同多油。點雞個醬辣辣哋但又唔係沙嗲同都唔係好match。個貌似白飯嘅椰漿飯椰味唔算濃郁。不過淡淡的椰香就咁食都不錯。食星馬嘢點少得海鮮喇沙呢？！賣相比起食開嗰啲暗淡。配咗米粉。食落果然只有淡淡喇沙味。無乜椰香同辣味。海鮮都無乜味。隻蝦仲疑似霉。其實我覺得喇沙只要湯底正。乜料乜粉都無問題。加咗巨峰梳打同抹茶豆奶latte。梳打一般。latte就比較甜。無乜抹茶味。總結食物味道一般。做唔到星馬菜嘅香濃。不過環境都算ok嘅。侍應服務不錯。