Video
Read full review
2015-04-06
2718 views
阿媽想食客家嘅鹹雞，早兩個禮拜想去旺角間好出名嘅客家連鎖店，六點半去到都排哂隊，結果去唔成。今日工人放假，又搵客家菜。汲取經驗，搵一間近又可訂座最好。結果去咗M先生地頭大圍。佢話食過兩次，個人唔鍾意，但伯有係客家人話係傳統味道，咁我梗係博下自己粒食神啦。打去嗰陣有個阿伯聽電話，應該有啲撞聾，要重複講，反應慢啲，但冇炒錯我個饒舌嘅電話號碼👍去到唔夠七點已接近全滿，個個都團團轉好忙，結果我哋上咗樓上自己搵咗張4人枱。原來訂位都冇乜用…純粹憑感覺叫啲有👍嘅，總共4樣。落咗單等咗15分鐘都未上餸，我開始擔心漏單。但阿媽話咁多人梗要耐啲。最後20分鐘嘅時候嚟咗個腐乳通菜，好大碟，而且幾夠鑊氣，腐乳食得出唔會得鹹味或酒味，整體味道好，只係啲芡唔太勻有啲一嚿嚿半透明gel爭啲。然後過多15分鐘，陸續相隔5分鐘就嚟埋啲餸。阿媽就話：“你啲蠔豉卷、蛋角、釀豆腐、鹽焗雞全部要即刻做，梗係耐啦！”－又好似係噃😅阿姐都話個蠔豉卷係即刻包即刻炸。個網油蠔豉卷，原來係將啲豬肉、土魷、蠔豉、馬蹄、蘿蔔切哂粒，跟住包網油炸，極燙口，外皮鬆脆，濃味嘢，好正！仲要有6大件，每人兩嚿好滿足😋😋😋鹽焗雞，胸位都多汁唔嚡，有淡
今日工人放假，又搵客家菜。汲取經驗，搵一間近又可訂座最好。結果去咗M先生地頭大圍。佢話食過兩次，個人唔鍾意，但伯有係客家人話係傳統味道，咁我梗係博下自己粒食神啦。打去嗰陣有個阿伯聽電話，應該有啲撞聾，要重複講，反應慢啲，但冇炒錯我個饒舌嘅電話號碼👍
去到唔夠七點已接近全滿，個個都團團轉好忙，結果我哋上咗樓上自己搵咗張4人枱。原來訂位都冇乜用…
純粹憑感覺叫啲有👍嘅，總共4樣。
落咗單等咗15分鐘都未上餸，我開始擔心漏單。但阿媽話咁多人梗要耐啲。最後20分鐘嘅時候嚟咗個腐乳通菜，好大碟，而且幾夠鑊氣，腐乳食得出唔會得鹹味或酒味，整體味道好，只係啲芡唔太勻有啲一嚿嚿半透明gel爭啲。
然後過多15分鐘，陸續相隔5分鐘就嚟埋啲餸。阿媽就話：“你啲蠔豉卷、蛋角、釀豆腐、鹽焗雞全部要即刻做，梗係耐啦！”－又好似係噃😅阿姐都話個蠔豉卷係即刻包即刻炸。
個網油蠔豉卷，原來係將啲豬肉、土魷、蠔豉、馬蹄、蘿蔔切哂粒，跟住包網油炸，極燙口，外皮鬆脆，濃味嘢，好正！仲要有6大件，每人兩嚿好滿足😋😋😋
鹽焗雞，胸位都多汁唔嚡，有淡淡鹹味，點埋個沙薑粉，完全係細個食嘅客家飯店味道😋😋😋
手剁豬肉煎釀豆腐浸客家蛋角，啲涵肯定手剁，基本上同個蠔豉卷涵一樣除咗冇蠔豉。蛋角好有蛋味，而且好大件。釀豆腐又係客家手法，响豆腐面輕輕篤個窿仔，塞入適量嘅涵。湯底用津菜黃豆煮，而且落咗好多芫荽，味道又係好熟悉😋😋😋
埋單嗰陣，老闆問我點解唔食酒糟油麥，我話阿媽今晚唔想食。食緊中途佢行過提我哋要襯熱食個蠔豉卷，仲話有個客試過自隊一碟加多個餸都冇打包。中間阿姐雖然忙但一見冇水就主動加，服務抵讚👍
個人覺得呢度啲嘢食粗中有細，味道質素高班過間連鎖店！
我下次要搵埋親戚嚟食香酥八寶鴨！
Post
