茶木‧台式休閒餐廳 (屯門市廣場1期)

Open Now

Now Closed

今日早吃晚餐，六點未夠就係屯門市廣場搵食，行行吓諗起好耐冇食茶木，所以就碰下運氣睇吓有冇位，因為平時晏晝去食都要排好長龍，可能因為我哋早食，所以一入到去就有位。室內嘅環境都好乾淨，坐低冇耐就有侍應過嚟比餐牌我地，依度都係自助落餐。一睇個餐牌啲嘢食都好似好吸引。今次我哋嗌咗兩個麵食，一個台式既豬軟骨麵，一個西式奶油培根手作麵，同埋兩杯台式飲品自助落單唔夠5分鐘就上咗碗麵，真係好有效率。呢個豬軟骨麵，湯底係用咗類似紅燒牛肉嘅紅蔥醬燒湯底，個湯溫度適中，豬軟骨唔會煮得太林，所以都幾有口感，如果個面稍為硬身啲就會比較好。奶油培根手作麵，整體味道都唔錯，但係啲麵煮得太冧，同埋比較碎但味道真係唔錯。木柵鐵觀音奶茶加仙草凍，少甜味道啱啱好，茶味都算濃。另外嗰杯係紅豆鮮奶綠走甜，因為本身紅豆已經有甜味說走甜係好啱我口味。真係好耐冇食茶木，佢嘅食物質素都算幾好，價錢同一般西餐廳差唔多，食物嘅份量都比較多，選擇亦都多，希望下次可以去食到佢嘅午餐。