洋蔥 (Closed)

久違了的西餐，一般來說…西餐不外乎沙律頭盤，餐湯，牛扒。但要將這幾樣東西做得出色並不是每間餐廳也可以，當每日都食緊五/六十蚊一個lunch既時候可能唔會明白，味精湯，梳打扒既問題，但係當試過依間餐廳，就會明食物質素既差距。唔講咁多，先黎沙律and餐湯。烤南瓜沙律 同埋 忌廉磨菇湯(聽講仲有招牌洋蔥湯 )又講返質素既問題，烤南瓜味道雖然不是太特出(比起其他餐廳有用糖去煮既南瓜，梗係冇佢地咁甜啦 )但係配埋個沙律汁酸酸地成件事就好開胃，磨菇湯好香好濃。炭燒豬扒配洋蔥醬，未食就已經好開心…淨係睇到咁大份豬扒，咁有心思既排位完全明白"辛苦搵黎志在食" 依個道理。哈哈~我唔客氣啦！食落去…豬扒明顯食得出真係豬扒 點解會講個咁爛既gag？因為好多時豬扒唔係太林(即係梳打啦@~@)，就係太實(即係冇晒肉汁)…好難得係依度食到個咁有口感，食落仲唔會韌既豬扒。所以用心去煮…果然係唔同啲。見咁開心，介紹埋女朋友食果個…比目魚配辣茄醬，當然又係視覺享受行先，比目魚本身油性較高，煎完既效果，食落真係好滑，加上煎脆既魚皮同埋少少辣既茄醬，口入面既感覺真係好豐富，有啲意想不到。總結一下，無論食物同環境都值