潮式腸粉 (Closed)

差不多已經半年無黎潮式腸粉食, 今晚終於可以再黎食, 我最鍾意食既並唔係佢哋既招牌潮式腸粉, 而係好少人會喺度食既魚腩粥, 通常啲人都只係會食蠔仔粥, 我見佢哋個餐牌有魚腩粥, 有一次叫黎食吓, 覺得佢又整得幾好食喎, 至次之後每次想食粥都會黎食, 不過其實佢哋既蠔仔粥都好好食架。  無黎半年多咗好多款食物選擇, 以前呢度無蠔餅賣, 今次見到有就立即叫黎試吓, 平時喺其他地方既蠔餅都有幾塊,呢度只係得一塊,不過我覺得味道唔錯, 不過同喺其他地方食既有啲唔同, 老公BB係潮州人, 佢話個味道好似佢兒時食既咁, 好正宗。 我哋仲叫咗個大地魚炒芥蘭, 呢個今次就做得麻麻哋, 啲大地魚炒得有啲燶燶地, 早知叫扎肉炒芥蘭啦。 食得飽得滞食唔落反沙芋, 唯有下次先至食啦。