Video
Read full review
2021-10-16
429 views
同小朋友去完樂富中心的playhouse玩，直落就約咗兩位壽星🌟食生日飯。我哋叫咗一個有牛扒有豬扒有龍蝦嘅二人餐，三個人share嚟食，本身跟兩客餐湯/沙律和飲品，超出價錢嘅飲品就補差價，我好似叫咗當日餐茶嘅冰果茶，而我朋友就要左杯凍咖啡，而我哋選擇咗餐湯。另外單點咗一個牛油果肉醬意粉，因為朋友好鍾意食牛油果所以就選擇左呢樣啦。————————————————————————🔸深海龍蝦牛扒三重奏🦞二人套餐（配燒汁蒜蓉汁）平日一至四限定 ($398)加$15 選配珍珠米飯/香草意粉/炸薯條加$29 升級龍蝦湯/三文魚沙律有紐西蘭牛柳、西班牙豬肩扒和龍蝦，牛扒、豬扒、龍蝦🦞嘅份量不太多，牛扒同豬扒都只是半成熟，用鐵板嘅餘溫去煎熟去就啱啱好啦！牛扒同豬扒肉質都唔錯無筋，唔會入唔到口😋龍蝦都有少少膏，而且上面有芝士好野味😋😋不過三個人分就有少少唔夠，下次可能要加錢追加龍蝦先夠！總結來講或者每人一個鐵板扒餐，性價比和份量會比較多，呢個餐略嫌兩個人食都未必夠飽。❌伴菜方面 - 有粟米、同埋類似蒜芯或者韭菜花嘅蔬菜，個人來講真係唔係好鍾意食蒜芯/韭菜花🤷♀️，靠鐵板上面嘅熱力去整熟去，而粟米就已整熟
我哋叫咗一個有牛扒有豬扒有龍蝦嘅二人餐，三個人share嚟食，本身跟兩客餐湯/沙律和飲品，超出價錢嘅飲品就補差價，我好似叫咗當日餐茶嘅冰果茶，而我朋友就要左杯凍咖啡，而我哋選擇咗餐湯。另外單點咗一個牛油果肉醬意粉，因為朋友好鍾意食牛油果所以就選擇左呢樣啦。
————————————————————————
🔸深海龍蝦牛扒三重奏🦞二人套餐（配燒汁蒜蓉汁）平日一至四限定 ($398)
加$15 選配珍珠米飯/香草意粉/炸薯條
加$29 升級龍蝦湯/三文魚沙律
深海龍蝦牛扒三重奏二人套餐
$398
14 views
0 likes
0 comments
有紐西蘭牛柳、西班牙豬肩扒和龍蝦，牛扒、豬扒、龍蝦🦞嘅份量不太多，牛扒同豬扒都只是半成熟，用鐵板嘅餘溫去煎熟去就啱啱好啦！牛扒同豬扒肉質都唔錯無筋，唔會入唔到口😋龍蝦都有少少膏，而且上面有芝士好野味😋😋不過三個人分就有少少唔夠，下次可能要加錢追加龍蝦先夠！總結來講或者每人一個鐵板扒餐，性價比和份量會比較多，呢個餐略嫌兩個人食都未必夠飽。
❌伴菜方面 - 有粟米、同埋類似蒜芯或者韭菜花嘅蔬菜，個人來講真係唔係好鍾意食蒜芯/韭菜花🤷♀️，靠鐵板上面嘅熱力去整熟去，而粟米就已整熟，個人覺得佢哋用蒜芯/韭菜花呢個選擇係比較奇怪，因為唔係每一個人都食呢款比較青味嘅蔬菜，照計應該用啲比較大路嘅蔬菜，不過我朋友就好鍾意食。
🔸牛油果🥑肉醬意粉($128)
不過不失啦，普通水準肉醬意粉，意粉唔會太淋，鍾意牛油果嘅朋友應該抗拒唔到，加咗牛油果就覺得更加creamy好味😋😋😋。
牛油果肉醬意粉
$128
11 views
0 likes
0 comments
————————————————————————
環境方面，Pokka Cafe 環境都算幾舒服，枱同枱之間唔會太過迫，而且有好多卡位。佢哋有樣嘢好貼心，咁當然亦都因為要推廣佢哋嘅消毒水，餐廳就準備咗消毒水噴霧機喺枱面，用餐期間可以選擇開住果部消毒水噴霧機，唔需要太擔心隔離枱唔識嘅食客，咁響度食嘢嘅食客都會食得比較安心，而枱面亦都有同款消毒水俾大家噴。另外抽風系統方面亦都做得唔錯，雖然樂富分店係位處喺Uny裏面，食完呢個鐵板扒餐都唔會成身油煙味！👍🏻
如果準備咗蛋糕慶祝生日🎂嘅朋友，要留意啦！Pokka Cafe 係有切餅費🍰嘅，好似要成每位$20-$30(實際幾多錢已經唔記得) 慳返切餅費嘅話可以選擇返餐廳嘅甜品！不過準備蛋糕嘅朋友擔心餐廳甜品款式不夠多，佢好用心思準備咗一個獨一無二嘅生日蛋糕，我哋就食埋個蛋糕先走啦! 而服務方面，侍應們都好有禮貌，手腳都好快，我哋要求要杯熱水，雖然繁忙時間超級忙, 佢哋都有幫忙serve 熱水🍵。
三個女生大家嘈喧巴閉傾girls talk👭🧍🏻♀️💬咗好多個鐘都唔願走，因為太多嘢傾啦！傾到啲人客都差唔多走得七七八八，埋單除翻開每人二百幾三百！算係好唔錯，亦都坐得舒服，唔會好趕咁樣。聽講佢哋依家有埋下午茶Tea set🫖☕️🧁，希望下次有機會帶埋閨蜜們去試吓！
#樂富好去處 #樂富餐廳推介 #食好西 #自費㗎
#純分享個人食評 #香港打卡 #香港美食 #日式西餐 #相機食先 #hkfoodie #pokkacafehk #lokfucafe #hkfood #吃貨 #steak #foodlover
Post
