北京老家 (Closed)

別緻的裝潢陳設，由牆身至裝飾品，甚至一枱一櫈都富有濃厚京城風味，古色古香，真係眼球食先。坐底無幾耐店員就送來一壺麥茶，味道十分清香。我哋點咗至愛嘅酸辣湯麵及老家炒年糕。酸辣湯麵熱騰騰暖胃又暖身，湯料有肉絲、豆腐、冬筍、木耳絲、冬菇等，湯底醇厚，酸辣有至。每一口麵都能掛湯，越食越開胃😛。老家炒年糕配料豐富，有青椒絲、紅椒絲、荷蘭豆、紫洋蔥、肉絲。年糕煙煙韌韌，咬口十足不黏牙。呢道菜用咗豆豉、蒜頭、辣椒炒成，食落好有層次，係惹味嘅香辣🌶，實在別有一番滋味。