東歐餐廳

同朋友去soho 揾食，突然諗起好耐冇幫襯呢間，一路依印象走，但揾唔到，終於開google map 帶路，咦，點解去咗中環？一入餐廳，冇留意是位金髮外國人，就自然用廣東話問了「你哋係咪搬咗?」哈，未得切尷尬，那位外國美女就用純正廣東話回答「係呀，搬了6-7年啦」原來真係搬了。感覺呢度細過舊店，但光猛咗，而且喺寒冬下，人與人之間近咗，感覺暖咗。我哋2人點了一個傳統湯 share, 磨菇，芝士牛脷，鹿肉同 mulled wine.湯好好味，尤其中間白色的(乳酪?)。磨菇配西多原來咁好味，開眼界了。芝士牛脷又係超讚，尤其係冬天，食完唔覺「漏」，回味。鹿肉...每個地方有佢特色煮法，我比較中意呢度同煮嘅蔬菜。mulled wine 的瓶好特別，有個睇唔到嘅孔，yea, 似花茶茶壼，但呢個瓶係冇斟位，我慢手慢腳斟時，倒瀉了一些，嘥咗美酒。離開時才發現大堂有留言為烏克蘭打氣的牆，加上聖誕裝飾別有一番味道。