Video
Read full review
2023-12-05
96 views
California Pizza Kitchen📍屯門屯順街1號屯門市廣場1期3樓3218號舖生活忙碌，要同朋友夾到時間食飯非一件易事。最近收到相識良久嘅中學同學將於年尾結婚嘅message，大家都好凳佢開心，於是就相約咗平日放工後嘅晚上食飯派帖。五個中學同學坐埋一檯，邊食邊傾嘅時間過得好快，令一向相機食先嘅我都無影晒所有餐點。我好細個就已經有同屋企人去海運嘅California Pizza Kitchen食嘢，次數大概係每個月有一兩次咁啦，印象最深刻嘅就係我哋呢啲小朋友去會有一個kid painting set，裏面有蠟筆俾小朋友邊食邊填顏色，對於我呢啲鍾意安靜耍自閉嘅細路嚟講簡直就係恩物！事隔咁耐，估唔到今次會喺新界食到呢間久違多年冇食過嘅餐廳，唔知道佢哋而家仲有無提供呢啲painting sets俾小朋友呢？屯門分店裝修同氣氛都幾好，遠處可以望到入牆火爐烤pizza。唔肯定係唔係因為我哋呢晚去都算幾多客人，所以侍應嘅服務唔算特別好。雖然談不上係差，但感覺有少少趕收工嘅feel，多多少少也影響到整體用餐體驗。 💰$112蒜香忌廉汁雞肉闊麵 🐓🍝我哋呢晚叫咗兩個意粉，呢一道就係Cal
📍屯門屯順街1號屯門市廣場1期3樓3218號舖
生活忙碌，要同朋友夾到時間食飯非一件易事。最近收到相識良久嘅中學同學將於年尾結婚嘅message，大家都好凳佢開心，於是就相約咗平日放工後嘅晚上食飯派帖。五個中學同學坐埋一檯，邊食邊傾嘅時間過得好快，令一向相機食先嘅我都無影晒所有餐點。
我好細個就已經有同屋企人去海運嘅California Pizza Kitchen食嘢，次數大概係每個月有一兩次咁啦，印象最深刻嘅就係我哋呢啲小朋友去會有一個kid painting set，裏面有蠟筆俾小朋友邊食邊填顏色，對於我呢啲鍾意安靜耍自閉嘅細路嚟講簡直就係恩物！
事隔咁耐，估唔到今次會喺新界食到呢間久違多年冇食過嘅餐廳，唔知道佢哋而家仲有無提供呢啲painting sets俾小朋友呢？屯門分店裝修同氣氛都幾好，遠處可以望到入牆火爐烤pizza。唔肯定係唔係因為我哋呢晚去都算幾多客人，所以侍應嘅服務唔算特別好。雖然談不上係差，但感覺有少少趕收工嘅feel，多多少少也影響到整體用餐體驗。
[價錢 Price]
💰$112
蒜香忌廉汁雞肉闊麵 🐓🍝
我哋呢晚叫咗兩個意粉，呢一道就係California Pizza Kitchen其中一款classic pasta。蒜香忌廉汁闊面係可以揀選唔同嘅toppings，我哋喺雞肉、蝦、同雞肉蝦當中揀咗價錢最平嘅雞肉。
蒜香忌廉汁偏濃稠，蒜味唔算好出，但忌廉汁夠香夠滑，每一條闊面都可以沾上好幼滑濃香嘅忌廉汁，加埋Parmesan cheese去煮，啱晒我呢啲愛芝士人士。但佢嘅雞肉就真係麻麻哋，因為肉質有啲嚡，唔算乾柴，但無咩雞味，感覺上淨食蒜香忌廉汁闊面會更好食，可惜佢無呢個選項。
[價錢 Price]
💰$142
蒜香大蝦意大利青瓜闊麵 🦐🥒🍝
第二款嘅意粉係由於傳統演變而成嘅新菜式，用上檸檬汁、香蒜同白酒燴意大利青瓜絲，之後再混入新鮮意大利芫荽、Parmesan cheese及闊面，一次過食到兩種滋味。
朋友當初揀呢款意大利青瓜闊面嘅時候，我其實唔太想試，因為我以為佢全碟都係用青瓜當意粉，嚟到嘅時候先知原來係一半一半。大蝦彈牙入味，貼心地剝咗大部分嘅蝦殼，搭配大量嘅蒜頭勁滿足。青瓜絲順滑易入口，清新感可以中和較heavy嘅闊麵，令整個pasta dish變得更light。
[價錢 Price]
💰$129
烤蒜雞肉薄餅 🐓🍕
我一直好喜歡California Pizza Kitchen嘅傳統手拉pizza，佢嘅質感偏硬，帶少少煙韌，用刀叉切會有少少吃力，用手拎住食會更方便食用。我自己最鍾意佢哋嘅pizza crust，香香脆脆好似食餅乾一樣，但又唔會太乾，而且有一定厚度，食完好有飽足感。不過亦有朋友鍾意食佢哋嘅pizza，惟獨不愛食個crust，所以話口味真係因人而異。
呢款口味嘅pizza ropings有香炒caramelised洋蔥、新鮮Mozzarella cheese、Parmesan cheese、青蔥同黑胡椒碎。呢度嘅雞肉就有返肉汁，食落亦有雞香味，加上兩種芝士、兩種蔥類同黑椒加持，整體味道好好，絕對值得大家一試。
[價錢 Price]
💰$132
秘製鮮蘑菇辣肉腸薄餅 🍄🍕
重口味、愛食肉嘅朋友就更適合食呢款pepperoni pizza，因為佢有齊辣肉腸同意式香腸等不同肉類。除咗肉之外，佢仲加咗蘑菇、basil、oregano、Mozzarella cheese等等嘅配料，香味四溢，似足authentic Italian pizzas！
不過好食歸好食，兩款pizza食多過一塊就已經覺得有啲油膩，所以都係建議大家多啲人一齊去食，少食多滋味就算啦！
Post
