晶晶甜品

Open Now

Now Closed

先前位於天后嘅依間港式甜品店最終喺灣仔重開。收藏咗好耐今次趁收工有時間又有啲肚餓就去試試。位置上相當偏僻，太夜真係唔建議去，因為要行到灣仔街市裏邊 。同埋都搵咗幾耐下 店舖唔算好大 大概有六至七個位置 。當日大概10:30到達都相當多人 。 依間當然係要試返佢獨家嘅薑汁玫瑰酒湯圓（$39）。 一碗薑汁玫瑰酒湯圓大概有五粒。 正常份量。久違嘅薑汁玫瑰酒湯圓，第一啖一如既往係極度濃郁嘅玫瑰酒味道感覺好似比之前更加香濃 ，如果唔鍾意太濃酒味嘅應該就未必會鍾意。而薑汁糖水薑汁味略缺，相對以往天后嗰間嘅薑汁糖水有啲遜色。