港嘢茶檔 (Closed)

講起茶記(茶餐廳)，係一眾香港人嘅回憶，新鮮出爐蛋撻、西多士、熱奶茶等，都係茶記嘅代表。今日香港愈來愈少呢類茶記，行過九龍城，竟然見到呢間80年代香港茶記嘅設計，吸引我地一班懷舊嘅朋友。淨係睇到牌面，就知道真係好擺本係上面。如果喜歡香港舊式特色，真係要來到呢度「打個卡」，非常用心。雖則淨係講外觀係唔夠嘅，不過食物亦都真係好有水準。我哋叫咗一個沙嗲牛肉蛋多士，份量真係好多，兩個人食都可以好飽。佢用咗烘蒜蓉多士，中間係熱辣辣嘅牛油炒蛋同沙嗲牛肉。蒜蓉同牛油味都好香濃，蓋過沙嗲牛肉嘅味，不過以厚多士來講，同類茶記相比之下，呢度真係好食好多。另外叫咗一個煎雞扒撈丁，醬汁配埋出前一丁真係一絕，而且雞扒煎得好香，嚟到嘅時候香味真係撲鼻而來，認真吸引。不過撈丁的份量較少，如果真係想飽肚，建議可配飯餐，隔離枱的飯份量真多哦！特別介紹，杯係自家品牌，真是別出心裁！😊下次如果經過九龍城，不妨試試這一間80年代的懷舊茶餐廳，店內還播放著流行經典50年的金曲哦！