Video
Read full review
2018-11-10
354 views
今日同朋友係Footlocker 睇完波鞋，一出黎就係亞士厘道，呢條都算係出名嘅食街，近年吹韓風，比較多韓國餐廳係裹面進駐，不過我又唔太好heavy 野，所以都少入去。今日再入去，係因為朋友講起裏面有間牛肉麵幾出名，老闆台灣人，成日排長龍，經過幾次都無等到，想再入去碰下運氣咁話。一黎到望到呢間別樹一格，懷舊感十足嘅餐廳，全個門面用上木材同瓦片堆砌而成，好有古代客棧嘅感覺，非常引人注目。因為我地黎得早，所以唔洗排隊就入得去啦。餐廳裝修表裏風格一致，以木為主軸，木材營造橫樑就最有特色，而且bar枱位掛滿燈籠，幾懷舊feel。 食物都幾多選擇，牛肉麵就當然必食啦！除左牛肉麵，都有好多台式小食選擇，今日就叫左3個小食同2個麵食下。切豆干 ($18)比較常見的台式小食，黄豆香滿滿，軟硬度恰當，簡單但不馬虎的制作。涼拌小黃瓜 ($22)小黃瓜帶微酸及淡淡蒜香，因為沒有味精關係，食起黎比較清，幾開胃嘅。皮蛋豆腐 ($38)豆腐上加上香蔥、皮蛋及木魚，豆腐沒調味，食落好滑，只有清甜的豆香味。加上木魚及特調醬汁，令豆腐味道變得更有層次，又幾夾喎。川味紅燒牛肉麵 ($68)一黎當然飲啖湯先，湯底標榜不含味
今日同朋友係Footlocker 睇完波鞋，一出黎就係亞士厘道，呢條都算係出名嘅食街，近年吹韓風，比較多韓國餐廳係裹面進駐，不過我又唔太好heavy 野，所以都少入去。今日再入去，係因為朋友講起裏面有間牛肉麵幾出名，老闆台灣人，成日排長龍，經過幾次都無等到，想再入去碰下運氣咁話。
一黎到望到呢間別樹一格，懷舊感十足嘅餐廳，全個門面用上木材同瓦片堆砌而成，好有古代客棧嘅感覺，非常引人注目。因為我地黎得早，所以唔洗排隊就入得去啦。
餐廳裝修表裏風格一致，以木為主軸，木材營造橫樑就最有特色，而且bar枱位掛滿燈籠，幾懷舊feel。
食物都幾多選擇，牛肉麵就當然必食啦！除左牛肉麵，都有好多台式小食選擇，今日就叫左3個小食同2個麵食下。
豆干
$18
26 views
0 likes
0 comments
切豆干 ($18)
比較常見的台式小食，黄豆香滿滿，軟硬度恰當，簡單但不馬虎的制作。
涼拌小黃瓜
$22
19 views
0 likes
0 comments
涼拌小黃瓜 ($22)
小黃瓜帶微酸及淡淡蒜香，因為沒有味精關係，食起黎比較清，幾開胃嘅。
皮蛋豆腐
$38
25 views
0 likes
0 comments
皮蛋豆腐 ($38)
豆腐上加上香蔥、皮蛋及木魚，豆腐沒調味，食落好滑，只有清甜的豆香味。加上木魚及特調醬汁，令豆腐味道變得更有層次，又幾夾喎。
川味紅燒牛肉麵
$68
38 views
0 likes
0 comments
川味紅燒牛肉麵 ($68)
一黎當然飲啖湯先，湯底標榜不含味精，每日用牛大骨熬製。飲落的確牛味非常濃厚，帶藥材味，唔會得個死咸。牛肉係用牛腱，肉質好稔好入味，筋肉分明，薄薄一片，入口就溶化了。麵煙韌有咬口，除左湯嘅濃郁，仲有微微辣味，都幾惹味。
阿宏蔥油拌麵
$45
52 views
1 likes
0 comments
阿宏蔥油拌麵 ($45)
呢個拌麵幾好，麵有咬口又彈牙，加上葱油味好香濃，食唔停口。請注意: 記得拌勻先食，因為蔥油係底，撈唔勻就一d咸一d無味啦。
牛三寶拼盤
$78
59 views
0 likes
0 comments
因為朋友得個撈麵唔夠喉，所以叫多個牛三寶拼盤，三寶包括: 牛筋、牛肋條同牛腱。牛筋煮得好腍呀，食落滿滿膠質，都好入味，空口食好惹味。牛肋條肥瘦適中，食幾有咬口，肉唔會痴牙，唔錯。牛腱就之前講過，唔多講了。
總括黎講，從個湯底同小食都睇得出老闆對食物嘅認真同用心，處理每樣食材都絕不馬虎，呢碗牛肉麵又的確出色，難怪成日都話要排隊。
P.S 食完出門口，都見到幾多人排緊呀。
Post
