和氣食堂 (黃大仙中心南館)

Open Now

Now Closed

平時比較少嚟依一區既我，今日去咗黃大仙行街，見到依間日本野就諗起好耐無食，就揀咗依間食dinner。個陣8點幾，都要禁飛排隊，不過好快就有位。佢既食物選擇係超級多，無論係魚生飯、壽司、刺身、小食、吾同類型既丼都有，所以我地揀野食都揀咗好耐。首先嚟既係鰂魚湯泡飯，佢地好細心，會幫我地將熱辣辣既魚湯倒入鐵碗。依個湯飯清清地，好適合我地，因為其他野食都比較濃味，而且佢個湯好魚味，好足料。香芒煙鴨胸沙律，芒果同鴨胸不嬲都好夾，加埋個黑醋真係好醒胃。鐘意食牛既我忍吾住叫咗串燒牛肉，又幾好食喎，燒得岩岩好，吾會太熟，又有牛味。鰻魚牛油果班戟，依個個配搭幾特別，因為未試過班戟皮入面係壽司料，加上個鰻魚都好入味。依個電擊雞翼加芝士炸薯條又係啲好得意既野，個雞翼係凍既，但佢皮係脆既，似係凍咗既糖醬，食落又幾滋味。個薯條都係食完翻尋味，吾覺吾覺會係咁食，因為佢有芝士得嚟又有少少甜。大阪豬扒丼，比佢個外型吸引咗。綠茶芭菲，個雪糕好有綠茶味，而且我係一個綠茶控所以係必叫既。