Ocio (Closed)

好耐無出街，趁著疫情減退，個個都走出街，肥A都唔例外。喺新都會行街，肚餓就隨便入左間餐廳食飯。餐廳環境都幾小清新，而防疫措施都做到好足。🍴巴黎牛油汁香茅雞扒配蘿菜其實本身想食燒春雞，不過賣晒。上枱時幾有驚喜，原枝香茅插喺雞扒中間。不過香茅味唔算濃。巴黎牛油汁好香，不過相對地比較油，雞扒口質不錯，煎得香脆，仲有肉汁流出。薯條比較乾身，但不脆。🍴南瓜露絲瑪利豬肉腸意大利飯呢個意大利飯好有fusion感，汁比較濃味，有啲似中式蒜蓉汁，南瓜粒偏硬，豬肉腸豬味濃烈。個人覺得雞扒比較出色。隨餐附送餐湯同飲品。飲品可加錢升級選擇。🍴Rainbow 感覺好似fruit punch，不過唔會太甜，有點清新感，賣相都好靚。