Schnee German Restaurant (Closed)

自從畢業旅行遊歷過德國黑森林，加上最近發奮自學德文時接觸德國菜式，一直想係香港食到傳統德國菜味道。記得音樂人于逸堯話過：「食咗當去咗」。雖然呢刻好想拋下工作走去德國浪遊，但下一刻付諸實行談何容易，所以都係搵間德國餐廳品嚐一場味覺旅行就好了。由於德文Schnee意思係雪，還以為餐廳佈置會彌漫陣陣冰冷感，然而一望見牆壁懸吊既咕咕鐘，加上紅磚吊燈的城堡設計，感覺倒是有幾分herzlich (warm)呢！Drink Menu除左一啲德國啤酒大牌子如Bitburger, Kostritzer同Licher外，仲有一系列Mocktail同Cocktail選擇。掙扎一輪，決定先來兩杯生啤。今次試Kostritzer既經典黑啤Black Lager以及Benediktiner Weissbier。前者味道較甘醇同有麥香味，後者則較清新同帶點焦糖香。除了啤酒，今次還特意點了海鮮蕃茄清湯。話明清湯，講濃味一定唔及呢度既匈牙利熱燉牛肉湯，但加入帶子同蝦既雞湯飲落確係格外鮮甜。德國牛唇驟眼睇有點似煙肉，但食起黎比煙肉爽滑得多，撈埋溫泉蛋同沙津菜食起來相當開胃。份量十足既「燒德國豬腩仔配炸薯條」，外皮爽脆到有