意粉屋 (Closed)

落雨落足一日，好彩女朋友醒目一早訂左枱，去到嘅時候唔洗兩分鐘就入坐。一坐低就俾個新款菜式哈密瓜風乾火腿伴意大利黑醋吸引住，忍唔住一試。哈密瓜同風乾火腿根本就係完美嘅配搭，加埋黑醋，味道唔會太鹹。再點多個北海道帶子日本魷魚墨汁意大利粉，喺意粉屋食意粉是常識吧。帶子大大粒，墨汁意粉又唔太酸，味道一流。個人最喜歡海蝦松籽仁醬薄餅，食之前個松籽仁醬聞落已經好香，薄薄嘅pizza 帶出脆卜卜嘅口感，加上我最喜歡嘅原隻蝦，我一個人食左4塊。下次有新菜式一定會再試！